Աշխատանքային քննարկում՝ «Կետ 33» ՀԿ և ԱԺ աշխատանքի և սոցիալական հարցերի մշտական հանձնաժողովի անդամների միջև
Մայիսի 12-ին «Կետ 33» հասարակական կազմակերպության ներկայացուցիչներն աշխատանքային քննարկում են ունեցել ԱԺ աշխատանքի և սոցիալական հարցերի մշտական հանձնաժողովի անդամների հետ՝ մայրության վաղ շրջանում գտնվող կանանց աշխատանքային իրավունքների շուրջ:
Հանդիպման ժամանակ «Կետ 33» ՀԿ ղեկավար Աստղիկ Կարապետյանը ներկայացրել է «Կրծքով կերակրելու իրավունքը և ընտանիքամետ մոտեցումները աշխատավայրում» հետազոտությունը, որն արվել է «Հարմարավետ միջավայր վաղ մայրության շրջանում գտնվող կանանց համար» ծրագրի շրջանակում: Ծրագիրն իրականացվել է Եվրոպական միության ֆինանսավորմամբ` «Մարդը կարիքի մեջ» հասարակական կազմակերպության «Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» ծրագրի շրջանակում:
ԱԺ աշխատանքի և սոցիալական հարցերի մշտական հանձնաժողովի անդամները պատրաստակամություն են հայտնել համագործակցել «Կետ 33» ՀԿ հետ՝ մայրության վաղ շրջանում գտնվող կանանց կրծքով կերակրման համար աշխատանքային հարմարավետ միջավայրի ստեղծման օրենսդրական կարգավորումների շուրջ:
