Posts
«Կետ 33» կազմակերպության ղեկավարը գլխավոր մրցանակ է ստացել
«Կետ 33» հասարակական կազմակերպության ղեկավար և համահիմնադիր Աստղիկ Կարապետյանն այսօր՝ դեկտեմբերի 10-ին ստացել է գլխավոր մրցանակ՝ մանկաբարձական բռնության վերաբերյալ հոդվածի համար։
Մարդու իրավունքների պաշտպանությանը նվիրված «Հոդված 3. Լրագրողները՝ հանուն իրավունքների» ամենամյա մրցանակաբաշխությունը իրականացվում է «Հոդված 3» հասարակական կազմակերպության կողմից՝ Հայաստանում Նիդեռլանդների թագավորության դեսպանատան եւ «Հանուն ժողովրդավարության եվրոպական հիմնադրամի» աջակցությամբ:
Գլխավոր մրցանակը հանձնեց Նիդեռլանդների Թագավորության դեսպան Ն․Գ․ Նիկո Սխերմերսը։ Մրցանակը ստանալիս Աստղիկ Կարապետյանը շնորհակալություն հայտնեց կազմակերպիչներին՝ մարդու իրավունքների, և հատկապես մայրերի իրավունքների պաշտպանությունը կարևորելու համար։
Հարմարավետ միջավայր վաղ մայրության շրջանում գտնվող կանանց համար
Եվրոպական միության ֆինանսավորմամբ՝ «Մարդը կարիքի մեջ» հասարակական կազմակերպության կողմից իրականացվող «Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» ծրագրի շրջանակներում «Կետ 33» հասարակական կազմակերպությունը մեկնարկում է «Հարմարավետ միջավայր վաղ մայրության շրջանում գտնվող կանանց համար» արշավի ծրագիրը:
Ծրագրի շրջանակում նախատեսվում է իրականացնել ընտանիքամետ միջավայրին ուղղված փոփոխությունների ջատագովության արշավ, որի ընթացքում, որպես առաջնահերթ խնդիր, դիտարկելու ենք մինչև 2 տարեկան երեխա ունեցող և աշխատող մայրերի՝ կրծքով կերակրելու իրավունքի իրացման և աշխատանք-ընտանիք բալանսավորման հարցերը։
