Անվերնագիր (բլոգային նյութ)

«Կետ 33» տեղեկատվական, իրավապաշտպան հասարակական կազմակերպությունը հայտարարել է «Ընտանիքամետ գործատու» էսսեների և բլոգային նյութերի մրցույթ։ Մրցույթն իրականացվում է «Հանուն ընտանիքամետ աշխատավայրի» ծրագրի շրջանակում՝ Հայաստանում ֆրիդրիխ Էբերտ հիմնադրամի հետ համագործակցությամբ։

Ստորև ներկայացնում ենք մրցույթի հայտը՝  առանց որևէ խմբագրման։ Նյութերը հրապարակվում են հեղինակների համաձայնությամբ։

Նշում․ Հեղինակի կողմից նշված փաստերի, իրադարձությունների իրավասիությունը կազմակերպության կողմից չի ստուգվում։

***

էս մեկ շաբաթվա իրենց աշնանային արձակուրդը (երեխաների,- «Կետ 33» ՀԿ) իմ ու կնոջս համար իսկապես սթրեսս էր: Երբ երկուսս էլ աշխատանքի պիտի գնայինք, իսկ երեխային տանը մենակ թողնել հնարավոր չէր:

Պատասխանատու աշխատող ծնողին աջակցելը իրականում մոտիվացնում է։ Պարտավորեցնում է աշխատավայրում հետո ավելին անել։ Գործատու-աշխատող փոխվստահությունը շատ հաճախ այդպիսի իրավիճակներում է ամրանում։

Երբ կա տնօրենի ադեկվատ դիրքորոշում ու արդեն չկա աշխատակցի մեղավորության զգացում, առաջին պլան է գալիս երախտագիտությունը։ Բաց թողածը լրացնել աշխատանքային ժամերից դուրս, հանգստյան օրերին կամ էլ հեռավար։ Եվ ընդհանրապես շատ հաճախ կարևոր չի թե աշխատավայրում քանի ժամ ես անցկացնում, կարևորը արդյունքն է։ Իսկ որակյալ արդյունքը կախված գործի բնույթից շատ հաճախ աշխատավայրում անցկացրած ժամերի հետ կապ չունի։

Լավ է, երբ մեր երկրում էլ կան ընտանիքամետ գործատուներ: Հուսով եմ նրանք շատ ավելի կշատանան ու հնարավորինս շուտ:

Երբ չի դրվում ընտրություն աշխատանքի ու ընտանիքի միջև, երկուսն էլ շահում են։

https://www.instagram.com/reel/DQMWQt1CCeR/?igsh=ajdrcjgyeTA5YnBs

Հեղինակ՝  Գրիգոր Հարությունյան