Լուսինե Քոչարյանը հանրային առողջության մասնագետ է՝ ավելի քան երկու տասնամյակի փորձառությամբ համաճարակաբանության, առողջապահական քաղաքականության և մարդասիրական ծրագրերի կառավարման ոլորտներում։ Նա զբաղեցրել է մի շարք ղեկավար պաշտոններ ՀՀ առողջապահության նախարարությունում՝ գլխավոր քարտուղար, Առողջապահական քաղաքականության վարչության պետի պաշտոնակատար, Տուբերկուլոզի դեմ պայքարի ազգային կենտրոնի տնօրեն, որի ընթացքում նաև ղեկավարել է ազգային մակարդակում ՏԲ ուղղված առողջապահական ռազամավարական ծրագրերի իրականացումը։

Լուսինեն նաև երկար տարիներ ղեկավարել է Հայաստանի Կարմիր Խաչի ընկերության աղետների կառավարման և սոցիալ-առողջապահական ծրագրերը՝ համակարգելով արտակարգ իրավիճակների արձագանքման աշխատանքները, վերլուծելով այդ ոլորտներում կարիքը և ներգրավելով կամավորական ուժ։

Ներկայում նա դասավանդում է Երևանի Մ. Հերացու անվան պետական բժշկական համալսարանում, նաև համագործակցում է   ՄԱԿ գործակալությունների, հասարակական կազմակերպությունների և ակադեմիական հաստատությունների հետ։

Լուսինեն  մի շարք  գիտական հրապարակումների համահեղինակ է՝ վարակիչ հիվանդությունների վերահսկմանն ու առողջապահական համակարգի բարելավմանը նվիրված, ինչպես նաև մասնակցել է որակական ուսումնասիրությունների՝ գյուղական համայնքներում առողջապահության զարգացման և վերարտադրողական առողջության վերաբերյալ։

Պարգևատրվել է «Մխիթար Հերացի» մեդալով՝ հանրային առողջության ոլորտում նշանակալի ներդրումների համար պատերազմի և Կովիդ-19 համավարակի ընթացքում, ինչպես նաև այլ բարձր պետական պարգևներով։