Հանդիպում-քննարկումներ Եվրոպական խորհրդարանում
«Կետ 33» կազմակերպության նախագահ Աստղիկ Կարապետյանը, որպես Եվրախորհրդարանի Սախարովի իրավապաշտպանության ծրագրի անդամ, Եվրոպական խորհրդարանում (Բրյուսել, Բելգիա) մարտի 3-8-ը մասնակցել է տարբեր հանդիպում-քննարկումների ԵՄ բարձրաստիճան պաշտոնյաների հետ։
Կլոր սեղան-քննարկումներ են եղել Եվրախորհրդարանի փոխնախագահներ Հեյդի Հաութալայի և Մարտին Հոյսիկի հետ։ Քննարկվել են աշխարհի տարբեր երկրներում մարդու իրավունքների, իրավապաշտպանների խնդիրներին վերաբերող հարցեր։
Հանդիպումներ են եղել Եվրախորհրդանի նախագահի աշխատակազմի ներկայացուցիչների, Արտաքին գործողությունների եվրոպական ծառայության և Եվրոպական հանձնաժողովի ներկայացուցիչների, Եվրախորհրդարանի խմբակցությունների մարդու իրավունքների հարցերով խորհրդատուների և այլ պաշտոնյաների հետ։
Լուսանկարների հեղինակային իրավունքը՝
© Եվրոպական միություն 2024 – Աղբյուր՝ ԵԽ
