«Մեծ գործ» փոդքաստը՝ մեծ գործերի ու մեծ գործ անող մարդկանց մասին է։ Փոդքաստի հեղինակը «Կետ 33» կազմակերպության նախագահ, լրագրող Աստղիկ Կարապետյանն է, ով տարբեր մասնագետների հետ քննարկում է մայրության ու աշխատանքի, ծնողների համար հարմարավետ միջավայրերի, ծննդօգնության և այլ հարցեր։
Փոթքաստին կարող եք հետևել՝ բաժանորդագրվելով մեր ալիքին այստեղ։
Մեծ գործ․ մայրություն ու աշխատանք
Այս էպիզոդում հոգեբան Լիլիթ Չոբանյանի հետ աշխատող մայրերի հոգեկան առողջության, մայրական մեղքի զգացումի, այրումի, դեպրեսիայի և այս ամենը հաղթահարելու մասին։
Այս պոդքաստը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում հեղինակը՝ Աստղիկ Կարապետյանը, և պարտադիր չէ, որ այն արտահայտի Եվրոպական միության տեսակետները:
Բաժանորդագրվեք մեր ալիքին և հետևեք մեզ այստեղ՝ https://www.youtube.com/@point33ngo
«Կետ 33» կազմակերպության նախագահ Աստղիկ Կարապետյանը, որպես Եվրախորհրդարանի Սախարովի իրավապաշտպանության ծրագրի անդամ, Եվրոպական խորհրդարանում (Բրյուսել, Բելգիա) մարտի 3-8-ը մասնակցել է տարբեր հանդիպում-քննարկումների ԵՄ բարձրաստիճան պաշտոնյաների հետ։
Կլոր սեղան-քննարկումներ են եղել Եվրախորհրդարանի փոխնախագահներ Հեյդի Հաութալայի և Մարտին Հոյսիկի հետ։ Քննարկվել են աշխարհի տարբեր երկրներում մարդու իրավունքների, իրավապաշտպանների խնդիրներին վերաբերող հարցեր։
Հանդիպումներ են եղել Եվրախորհրդանի նախագահի աշխատակազմի ներկայացուցիչների, Արտաքին գործողությունների եվրոպական ծառայության և Եվրոպական հանձնաժողովի ներկայացուցիչների, Եվրախորհրդարանի խմբակցությունների մարդու իրավունքների հարցերով խորհրդատուների և այլ պաշտոնյաների հետ։
Լուսանկարների հեղինակային իրավունքը՝
© Եվրոպական միություն 2024 – Աղբյուր՝ ԵԽ
«Կետ 33» կազմակերպության նախագահ Աստղիկ Կարապետյանը մարտի 7-ին Բրյուսել այցի ընթացքում հանդիպում է ունեցել Եվրոպական խորհրդարանի էստոնացի պատգամավոր Մարինա Կալյուրանդի հետ։
Հանդիպման ընթացքում զրույց է եղել Հայաստանում կանանց և երեխաների իրավունքների պաշտպանության, կանանց քաղաքական ներկայացվածության, ընտանիքամետ քաղաքականությունների ընդունման հարցերի վերաբերյալ։
Անդրադարձ է եղել նախորդ տարվա սեպտեմբերին Արցախից բռնի տեղահանված և Հայաստանի Հանրապետություն տեղափոխված հայերի, մասնավորապես, կանանց ու երեխաների խնդիրներին։
Քննարկվել են Եվրոպական միության և Հայաստանի միջև հարաբերությունների, իրավունքների պաշտպանությանն ուղղված ԵՄ գործիքների վերաբերյալ հարցեր։
«Կետ 33» կազմակերպության նախագահ Աստղիկ Կարապետյանը մարտի 6-ին Բրյուսել այցի ընթացքում հանդիպում է ունեցել Եվրոպական խորհրդարանի չեխ պատգամավոր Մարկետա Գրեգորովայի հետ։
Հանդիպման ընթացքում զրույց է եղել Հայաստանում մարդու իրավունքների պաշտպանության հարցերի մասին, հատուկ անդրադարձ է եղել նախորդ տարվա սեպտեմբերին Արցախից բռնի տեղահանված և Հայաստանի Հանրապետություն տեղափոխված հայերի, մասնավորապես, կանանց ու երեխաների խնդիրներին։
Քննարկվել են Եվրոպական միության և Հայաստանի միջև հարաբերությունների, իրավունքների պաշտպանությանն ուղղված ԵՄ գործիքների վերաբերյալ հարցեր։
«Կետ 33» հասարակական կազմակերպության ղեկավար և համահիմնադիր Աստղիկ Կարապետյանն այսօր՝ դեկտեմբերի 10-ին ստացել է գլխավոր մրցանակ՝ մանկաբարձական բռնության վերաբերյալ հոդվածի համար։
Մարդու իրավունքների պաշտպանությանը նվիրված «Հոդված 3. Լրագրողները՝ հանուն իրավունքների» ամենամյա մրցանակաբաշխությունը իրականացվում է «Հոդված 3» հասարակական կազմակերպության կողմից՝ Հայաստանում Նիդեռլանդների թագավորության դեսպանատան եւ «Հանուն ժողովրդավարության եվրոպական հիմնադրամի» աջակցությամբ:
Գլխավոր մրցանակը հանձնեց Նիդեռլանդների Թագավորության դեսպան Ն․Գ․ Նիկո Սխերմերսը։ Մրցանակը ստանալիս Աստղիկ Կարապետյանը շնորհակալություն հայտնեց կազմակերպիչներին՝ մարդու իրավունքների, և հատկապես մայրերի իրավունքների պաշտպանությունը կարևորելու համար։
