Մենք հավատում ենք, որ ընտանիքի և մայրերի համար հարմարավետ միջավայրն ու աջակցող հասարակությունը առանցքային են զարգացման ու աճի համար։

Եվ մենք հավատում ենք, որ մայրերն են կրում իրենց ընտանիքներում ու համայնքներում փոփոխություններ բերելու ներուժը։

«Կետ 33» տեղեկատվական, իրավապաշտպան հասարակական կազմակերպությունը հիմնադրվել է 2020 թվականի հուլիսի 1-ին։

Մենք բարձրացնում ենք քաղաքականությունների մշակման և օրենսդրական բարեփոխումների կարևորության հարցեր, խոսում ենք մայրերի խնդիրների ու մտահոգությունների մասին, աջակցում ենք նրանց՝ տրամադրելով իրավական օգնություն և իրազեկելով իրենց իսկ իրավունքների ու ազատությունների մասին։