Գործատուների կողմից «Ընտանիքամետ գործատու» տարբերանշան ստանալու համար լրացված հարցաշարը կգնահատվի հետևյալ սկզբունքներով․
Հայտը գնահատվում է 100 միավորանոց համակարգով, որտեղ․
– 80-100-ը նշանակում է, որ կազմակերպությունն ունի հաջողված ընտանիքամետ պրակտիկա և համակարգային մոտեցում։ Նրան շնորհվում է «Ընտանիքամետ գործատու» տարբերանշան և վկայական մեկ տարով։
– 55-79-ը նշանակում է, որ կազմակերպությունն ունի հաջողված ընտանիքամետ պրակտիկա, սակայն ոչ համակարգային մոտեցում։ Նրան շնորհվում է «Ընտանիքամետ գործատու» վկայական։
– 40-54-ը նշանակում է, որ կազմակերպությունն ունի որոշակի ընտանիքամետ մոտեցումներ, սակայն չի տրամադրվում «Ընտանիքամետ գործատու» տարբերանշան կամ վկայական։
– 0-39-ը նշանակում է, որ կազմակերպությունն ընտանիքամետ չէ։
Յուրաքանչյուր հարցի պատասխանի համար տրվում են միավորներ 0-ից մինչև առավելագույնը 3՝ կախված պատասխանից: Դրական պատասխանները («այո» և բացատրական տարբերակները) բարձրացնում են միավորները:
Յուրաքանչյուր հարցի պատասխանը գնահատվելու է այսպես՝
- Կազմակերպության տվյալներ․ 1-5 հարցերը չեն գնահատվում, բայց կարևոր են համատեքստի համար, օրինակ, փոքր և մեծ կազմակերպությունների ռեսուրսների և կիրառած պրակտիկաների համադրության դեպքում։
Ընդհանուր տվյալներ – 15
- Հարց 6. «Արդյո՞ք կազմակերպությունն ունի ընտանիքամետ պրակտիկա կամ ընդունած քաղաքականություն». (առավելագույնը՝ 5 միավոր)
Այս հարցի պատասխանը հիմնական վերլուծության մուտքն է։ «Այո» պատասխանի դեպքում հայտը ստանում է 5 միավոր, «Ոչ» պատասխանի դեպքում՝ 0:
- Հարց 7․ «Կազմակերպության ընտանիքամետ պրակտիկաները կամ քաղաքականությունը/ները արդյո՞ք ներառում են հետևյալ առաջնահերթությունները (նշել ընդունելի բոլոր պատասխանները)»․ (առավելագույնը՝ 10.5 միավոր)
Յուրաքանչյուր ընտրված տարբերակի դեպքում տրվում է 1.5 միավոր (առավելագույն 9, եթե բոլորը ընտրված են): «Ոչ մեկը» պատասխանի դեպքում՝ 0, իսկ «Այլ» պատասխանի դեպքում՝ 1.5 միավոր, եթե այն բովանդակությանը վերաբերելի է։
- Հարց 8․ «Արդյո՞ք կազմակերպության ղեկավարները գործնականում նպաստում են ընտանիքամետ պրակտիկային». (առավելագույնը՝ 4.5 միավոր)
«Այո» պատասխանը ստանում է 4.5 միավոր, «Չգիտեմ»/«Ոչ» -ը՝ 0:
Ճկուն աշխատանքային պայմաններ – 20 միավոր
- Հարց 9․ «Կազմակերպությունն ունի՞ ճկուն աշխատանքային պայմանների պրակտիկա և/կամ քաղաքականություն (ընթացակարգ, կանոնակարգ)»․ (առավելագույնը՝ 5 միավոր)
«Այո» պատասխանը ստանում է 5 միավոր, «Ոչ» -ը՝ 0:
- Հարց 10. «Ի՞նչ է ներառում ճկուն աշխատանքային պայմանների պրակտիկան և/կամ քաղաքականությունը (ընթացակարգը, կանոնակարգը) (նշել ընդունելի բոլոր պատասխանները)». (առավելագույնը՝ 10 միավոր)
Յուրաքանչյուր ընտրված տարբերակ ստանում է 2.5 միավոր (առավելագույն 7.5, եթե բոլորը): «Ոչ մեկը»՝ 0, «Այլ» պատասխանի դեպքում՝ 2.5, եթե վերաբերելի պատասխան է ներկայացված։
- Հարց 11․ «Արդյո՞ք ճկուն աշխատանքային պայմանները հասանելի են բոլոր մակարդակներում աշխատողներին, եթե աշխատանքի բնույթը թույլ է տալիս». (առավելագույնը՝ 5 միավոր)
«Այո» պատասխանը ստանում է 5 միավոր, «Չգիտեմ»/«Ոչ» -ը՝ 0:
Արձակուրդներ և ազատ օրեր – 20 միավոր
- Հարց 12. «Կազմակերպությունն ունի՞ ծնողական և կամ այլ տիպի արձակուրդ տրամադրելու պրակտիկա կամ քաղաքականություն, որն առաջարկում է օրենսդրությամբ սահմանվածից ավելին». (առավելագույնը՝ 5 միավոր)
«Այո» պատասխանը ստանում է 5 միավոր, «Ոչ» -ը՝ 0:
- Հարց 13. «Ի՞նչ է ներառում արձակուրդի այդ պրակտիկան և/կամ քաղաքականությունը)». (առավելագույնը՝ 15 միավոր)
Յուրաքանչյուր ընտրված տարբերակ 3 (առավելագույն 12, եթե բոլորը): «Ոչ մեկը»՝ 0, «Այլ» պատասխանի դեպքում՝ 3, եթե վերաբերելի պատասխան է ներկայացված։
Աջակցություն խնամքի հարցերում – 20 միավոր
- Հարց 14. «Կազմակերպությունն ունի՞ խնամքի հարցերում աջակցության պրակտիկա կամ քաղաքականություն». (առավելագույնը՝ 5 միավոր)
«Այո» պատասխանը ստանում է 5 միավոր, «Ոչ» -ը՝ 0:
- Հարց 15. «Ի՞նչ տեսակի աջակցություն է տրամադրվում կամ ինչ տեսակի աջակցություն է ներառում քաղաքականությունը». (առավելագույնը՝ 15 միավոր)
Յուրաքանչյուր ընտրված տարբերակ 2.5 միավոր (առավելագույն 12.5, եթե բոլորը): «Ոչ մեկը»՝ 0, «Այլ» պատասխանի դեպքում՝ 2.5, եթե վերաբերելի պատասխան է ներկայացված։
Բարեկեցություն և զարգացման ծրագրեր – 20
- Հարց 16․ «Կազմակերպությունն ունի՞ աշխատողների բարեկեցության և կարիերայի զարգացման ծրագրեր կամ քաղաքականություն»․ (առավելագույնը՝ 5 միավոր)
«Այո» պատասխանը ստանում է 5 միավոր, «Ոչ» -ը՝ 0:
- Հարց 17. «Բարեկեցության և կարիերայի զարգացման ի՞նչ առավելություններ է առաջարկում կազմակերպությունը». (առավելագույնը՝ 15 միավոր)
Յուրաքանչյուր ընտրված տարբերակ ստանում է 2.5 միավոր (առավելագույն 12.5, եթե բոլորը): «Ոչ մեկը»՝ 0, «Այլ» պատասխանի դեպքում՝ 2.5, եթե վերաբերելի պատասխան է ներկայացված։
Արդյունավետության գնահատում – 5
- Հարց 18. «Արդյո՞ք կազմակերպությունն իրականացնում է ընտանիքամետ քաղաքականությունների արդյունավետության գնահատում». (առավելագույնը՝ 2 միավոր)
«Այո» պատասխանը ստանում է 2 միավոր, «Ոչ» -ը՝ 0:
- Հարց 19. «Ինչպե՞ս է կազմակերպությունը գնահատում ընտանիքամետ քաղաքականությունների կամ պրակտիկայի արդյունավետությունը կազմակերպության ներսում (նշել ընդունելի բոլոր պատասխանները)». (առավելագույնը՝ 2 միավոր)
Յուրաքանչյուր ընտրված տարբերակ ստանում է 0.5 միավոր (առավելագույն 1.5, եթե բոլորը): «Ոչ մեկը»՝ 0, «Այլ» պատասխանի դեպքում՝ 0.5, եթե վերաբերելի պատասխան է ներկայացված։
- Հարց 20. «Արդյո՞ք արդյունավետության գնահատումից հետո վերանայվում/բարելավվում են պրակտիկաները կամ քաղաքականությունները». (առավելագույնը՝ 1 միավոր)
«Այո» պատասխանը ստանում է 1 միավոր, «Ոչ» -ը՝ 0:
